講俾你聽(粤语播客)

Podcast

講俾你聽(粤语播客)

主播 未知 出品 Yeekaa 5,633 订阅 106 集 1周前更新

在小宇宙收听
【粤语】Take it easy!开心放松玩一转,跟住音乐兜个圈ヾ(๑•̀ᴗ•́)ノ"

【粤语】Take it easy!开心放松玩一转,跟住音乐兜个圈ヾ(๑•̀ᴗ•́)ノ"

講俾你聽(粤语播客)

Hello,欢迎收听《讲俾你听》粤语播客 今期係“DJ发板”!一个人、一支咪,Yeeka“一人吹水一人兜”!喺今期你会听到天气、返工呻牢骚、抢平价机票、做gym减磅、拆字、儿童智能手表、学生仔返学压力、呼吁你唔好loop咁多电话……最后整碗鸡汤收尾,当然都有Yeeka拣嘅靓歌!呢档Podcast宗旨好简单:言之有物,讲嘢唔核突。最啱通勤揸车、半夜瞓唔着、无聊发吽哣嗰阵开嚟听! (此处DJ tone):陪你日出到黄昏,陪你静待好事发生。 本期Timeline: 00:00:00 有Omakase“阿妈家姐”,都应该有“DJ发板”……喂呀!係DJ爆肚先啱! 00:01:12 天气乱报:立冬着短袖!短袖係唯一正解!洗到领口变形都仲未要着秋装 00:04:12 烂gag精髓:答案on9,但真实到毫无驳嘴之余地 00:06:15 燃油费加价!透露个frd抢飞嘅独门秘笈 00:08:50 “欺骗脂肪运动法”:隔篱觉得你kam,分分钟俾人摆上网公审㗎! 00:10:53 拆“餓”字:饱嗰阵讲理想,饿嗰阵讲饭香 00:13:14 抢演唱会飞:嗌外卖贵两蚊都嫌,千几蚊张飞眼都唔眨 00:14:44 儿童智能手表:原嚟小朋友世界嘅社交货币已经进化到咁…… 00:19:00 学生唔易做:唔使讲“加油”,不如俾佢“唞唞” 00:20:28 短视频=喂乜食乜,同一场景,两种BGM,两个故事…… 00:21:48 鸡汤double!好似咁样ending会好啲 评论区吹水:想听你呢排发生嘅小确幸…… 本期Playlist: 陪你靜靜地降温-陈子晴 饿-黄淑蔓 玩泥沙-关智斌 mimimomo-雷同二友 各大音频平台(小宇宙/喜马拉雅/ApplePodcast/荔枝FM/QQ音乐)可收听完整版;小红书搜索“讲俾你听(粤语播客)”可收看国粤双语精华字幕版;投稿邮箱:[email protected];WeChat合作:GBNTpodcast 喜欢的欢迎Like Subscribe噢

26 分钟 99+ 次播放 1周前

【粤语】国际耐性等级:转个弯就到,Baby don't be燥!

【粤语】国际耐性等级:转个弯就到,Baby don't be燥!

講俾你聽(粤语播客)

Hello,欢迎收听《讲俾你听》粤语播客 今期“掹车边”出街!想倾倾“等待”呢件事,书包佬有首歌叫《国际孤独等级》,如果孤獨有等级,咁耐性有冇等级?你係燥底猴擒快手快脚嘅人定係咪咪摸摸淡淡定定嘅人呢? 你有无试过等“转个弯就到”嘅frd?有无试过望住外卖app个步兵喺隔篱街兜足三个圈似环岛游?有无试过等放学,班房个钟永远行得最慢?有无试过月尾等出粮?仲有等“对方正在输入”、等快递、等上岸、等股价升……等到蚊都瞓、等到颈都长埋,你话,人生係咪一场无限循环嘅等待? 今期我会将“等”分等级逐层拆解:边啲係假等,边啲係焗住等,边啲係自愿等……有啲等待值得等,有啲等待只係被消耗。所谓满级耐性,就係识得分嗰条线!然后会为你平反,唔係年轻人无耐性,係世界唔鼓励等待!然后有国粤双语小彩蛋,广东话入面“等待”可以好盏鬼。 “等待”呢样嘢其实都几似“徘徊在似苦又甜之间”㗎! 本期Timeline: 00:00:00 十月尾班车,掹车边都要上车! 00:01:05 天气乱报:冷空气为广东带来高达两度的降温 00:02:50 “国际耐性等级”?你係冷静佛系定燥底猴擒? 00:04:17 第一级:短暂等待,落雨等车、打蛇饼、等lift 00:06:18 第二级:被动等待,“转个弯就到”社交谎话全集 00:10:28 第三级:打工仔专属,等收工、等出粮、等找数 00:12:46 第四级:学生仔专属,等放学、等放假、等收卷 00:14:54 第五级:生活刚需等待,等快递 00:15:33 第六级:期待型等待,等“对方正在输入”、门票、旅行 00:17:20 第七级:成长型等待,等上岸、等面试结果、等一个更好嘅自己 00:18:37 第八级:佛系包容等待,等还钱、等生活慢慢变好 00:19:41 等待嘅最高境界!等运气、等时机、等股票升 00:21:37 中意食冻豆腐花嘅Yeeka唔知咩叫“心急食唔到热豆腐” 00:22:22 为你平反!你唔係冇耐性,係被个世界训练到冇耐性 00:25:09 最煎熬嘅等待:覆紧工作msg但SIM卡罢工冇网络 00:27:17 国粤双语:粤语里关于“等”嘅歇后语 评论区吹水:你最崩溃嘅一次等待系咩?你等嘅时候,又会做啲咩打发时间? 本期Playlist: 阳光普照-容祖儿 pick up your phone-JaimeCheung/丽英 Waiting List-邓丽欣 今晚抹掉你-Beanies 各大音频平台(小宇宙/喜马拉雅/ApplePodcast/荔枝FM/QQ音乐)可收听完整版;小红书搜索“讲俾你听(粤语播客)”可收看国粤双语精华字幕版;投稿邮箱:[email protected];WeChat合作:GBNTpodcast 喜欢的欢迎Like Subscribe噢

30 分钟 1k+ 次播放 3周前

【粤语】放假喇!车龙人潮逼到癫,不如摊唞Hea吓先٩(ˊᗜˋ*)و

【粤语】放假喇!车龙人潮逼到癫,不如摊唞Hea吓先٩(ˊᗜˋ*)و

講俾你聽(粤语播客)

Hello,欢迎收听《讲俾你听》粤语播客 今期首先祝大家假期快乐ヾ(๑╹◡╹)ノ"一开波即报喜!終於上架 ApplePodcast喇!大本营依然喺“小宇宙APP”,其他平台亦都同步更新㗎!你放假嗰几日,係咪都係咁过?放假前晚:我要去海滩、食好嘢、享受人生!放假第一日:瞓到十一点,早餐慳返,唔郁。放假第三日:无聊到开始碌朋友圈,愈碌愈空虚。假期尾:养到个肚腩仔肥肥白白,唔想出街唔想见人,再望望个日历——调休补班,放七日实际得三日,条数点计都蚀,点解放假仲攰过返工㗎?真係怀疑人生!人哋约frd去旅游,我喺屋企养砖头,哈哈哈你无听错,呢句係为咗押韵㗎啫,但我真係想同你讲但瘀嘢……至于有几瘀?你揿开嚟听咪知囉:D 本期Timeline: 00:00:00 好消息!讲俾你听正式上架ApplePodcast喇 00:02:05 天气乱报:今铺会唔会又双叒叕俾天文台整蛊? 00:04:03 调休,根本就係一条无解嘅奥数题 00:05:53 放假情绪跳楼机:充电?放电?最后实会变漏电! 00:08:16 朋友圈精髓:你去咗边唔紧要,最紧要你frd以为去咗边! 00:09:27 假期出行大型行为艺术:牛马大迁徙,小心揸车! 00:11:25 每逢佳节胖三斤!雪柜、Auntie、外卖联手作案 00:13:40 养砖头定係养芒狗?我养得掂自己已经算好喇 00:17:16 瘀嘢:Yeeka俾盆十蚊胶仙人掌呃足半年 评论区吹水:假期去咗边度玩?/养宠物每月花销几多? 本期Playlist: Over The Bridge 过桥界线-CY Leo/Bernard Chan 巴士光年-吴林峰 下一站-Irene林芊莹 各大音频平台(小宇宙/喜马拉雅/ApplePodcast/荔枝FM/QQ音乐)可收听完整版;小红书搜索“讲俾你听(粤语播客)”可收看国粤双语精华字幕版;投稿邮箱:[email protected];WeChat合作:GBNTpodcast 喜欢的欢迎Like Subscribe噢

20 分钟 1k+ 次播放 1个月前

【粤语】三部女性港片:她与她的情愫,平淡亦灿烂,无需标准答案

【粤语】三部女性港片:她与她的情愫,平淡亦灿烂,无需标准答案

講俾你聽(粤语播客)

Hello,欢迎收听《讲俾你听》粤语播客 今期係电影板块!坐定唔好郁,睇戏食爆谷!喂啊,咪住先!呢期内容出唔到街㗎?!唔理喇,Yeeka带住头盔深度分析《骨妹》《女孩不平凡》《喜欢你是你》三套电影。睇紧嗰阵,真係好似吮紧一粒“Wasabi味嘅珍宝珠”!btw,我原本准备咗电影poster摆shownote,但唔过审,后段音频内容亦大量删减,因为唔过审哇 除咗电影,当然唔少得吹水!由幼稚园最纯粹嘅友谊、小学puppy love,到长大后连关系都变成隐形合约利益交换;由青春期“我係咪同人唔同”嘅自我怀疑,再拆解欣赏、依赖、爱恋三样嘢有咩分別。我唔敢话自己识晒,如果你都喺度探索紧,呢期啱你听。 戴翻顶头盔先,今期仅表个人观点兼且係深度剧透,Timeline碌碌手指就见㗎喇,跳住听都无问题! 本期Shownote: 《骨妹》两个澳门gu场女仔,喺底层互相取暖。呢份感情,到底係超越普通友情嘅爱恋,定係底层困境入面互相救赎嘅亲情?最残忍嘅唔係唔爱,係太爱,觉得自己唔配。时代一转,留低嘅只有遗憾。呢套戏唔答边种叫真爱,净係讲:“为咗你幸福,我可以令你憎我“ 《女孩不平凡》三个年纪,同一个“徐乐欣”;三座城市,同一场迷失。17岁想挣脱,22岁想自由,34岁先敢承认:我唔知自己究竟想要乜。最唔平凡嘅,唔係做出啲惊天动地嘅事,而係喺人人都话你知“算罢啦,做平凡人就好”嘅世界入面,仍然愿意问自己一句“我究竟想要乜”。呢套戏唔讲励志,佢同你讲:“接纳自己,先係真正嘅不平凡” 《喜欢你是你》两个女仔,教会女校入面,由好朋友慢慢生出啲唔知点形容嘅关系……你以为係爱情,佢话係成长,你以为係成长,佢又用眼神同触摸否定你。逼佢哋分开嘅,唔係边个坏人,係时间、成长、同一个唔容许确认自己嘅时代。最痛嘅唔係唔爱,係你明明爱过,但全世界都话你嗰阵只係“细个唔识谂”。如果一段感情冇办法被命名,佢算唔算存在过?呢套戏用一只戒指回应:“有啲盟誓,冇办法被承认,但佢真实存在过” 《骨妹》×《女孩不平凡》廖子妤×余思凝,十年之后再遇……今次,我终于可以同你讲一句“我中意你”。呢个班底jengggg,可摸耳整个三部曲,好似叶念琛咁,你都咪话,Yeeka真係几想录一期讲AlexStephy爱情三部曲哈哈哈,离咗题添 本期Timeline: 00:00:00 Yeeka做咩咁谂唔开,一次过睇三部情愫片? 00:02:09 《骨妹》:被时代拆散的两份温柔,澳门小城的遗憾叙事 00:11:12 《女孩不平凡》:横跨澳港台三段情缘,一场同自己和解的成长旅程 00:23:35 《骨妹》×《女孩不平凡》:十年后,同一对演员,同一种遗憾,另一种答案…… 00:26:50 《喜欢你是你》:大雨之下,一场没有答案的青春爱恋。以为甜到漏,睇完好心噏 00:37:35 童年係人生最纯粹嘅社交状态/小学puppy love/情窦初开/一粒瑞士糖学人沟女 00:39:38 喂!咪一味沉船先!“欣赏、依赖、爱恋”,呢三样嘢,你分唔分得清㗎? 00:41:20 成年人嘅社交变成“隐形合约”利益交换,嗰种纯粹友谊去边度揾? 00:44:13 青春期最恐怖嘅,係第一次怀疑自己“係咪有啲唔一样”? 00:46:02 被审核ban四次,简介不过审就这样了 评论区吹水:你对呢三部电影嘅谂法 本期Playlist: 告別昨天(《骨妹》电影主题曲)-陈蕾 普通人(《女孩不平凡》电影主题曲)-陈蕾 My Dear, Best Friend(《喜欢你是你》电影主题曲)-林二汶 相爱很难 (伊馆Live)-陈辉阳×女声合唱 酷儿-麦浚龙 雌雄同体-麦浚龙 Love’s Gonna Beat The Queen (feat. Fat Foo)-潘钊彤Chiutung 国内各大音频平台(小宇宙 喜马拉雅APP 荔枝Podcast QQ音乐)可收听完整版;小红书搜索“讲俾你听(粤语播客)”可收看国粤双语精华字幕版;投稿邮箱:[email protected];WeChat合作:GBNTpodcast 喜欢的欢迎Like Subscribe噢

51 分钟 1k+ 次播放 2个月前

评价

还没有人评价。听过的话,留个分数和一句短评吧。

播放列表

自动播放下一个

播放列表还是空的

去找些喜欢的单集添加进来吧