講俾你聽（粤语播客） - 节目列表

Hello,欢迎收听《讲俾你听》粤语播客 今期係娱乐板块，讲下8.30晚完美落幕嘅“2026香港小姐竞选决赛”！ 今届最大卖点系“学霸军团”，12强入面有7个硕士。由金融才女、ESG顾问到博士生，真係啲书卷味隔住个Mon都闻到！ 由初选到决赛，跟住会复盘决赛夜：泳装辩论、双人热舞PK、急才拷问，TVB终于唔玩流水账，玩真刀真枪！除咗赛况，仲会逐个佳丽点评（放心，赞多过弹），倾下佢哋嘅外形、才艺、性格同搞笑嘢。点解话落选港姐反而发展得更好？仲会分析一个港姐冷知识：“观众人气”、“佳丽互选”同“大会评判”，原来係三套唔同嘅评分逻辑？ 冠军袁丝珩Bernice 凭舞台经验碾压夺冠、亚军邓匡闵Ada 174cm九头身黑马逆袭、双料季军李泽欣Scarlett 跌watt高开低走但係赢咗最上镜?友谊小姐李澄晴Chorie 靠“零食攻势”攞奖？人气王卢蔚晴Jasmine 网络投票四周守擂榜首，竟然止步四强? 唔洗咁多点解，等Yeeka深度拆解ദ്ദി˶•̀֊•́)✧ 本期Timeline： 00:00娱乐板块会Freestyle啲，吹吹水 01:30决赛前夕/前瞻/外景 02:55三大巨头Sponsor/决赛晚嘉宾及赛况 05:20盘点十二位参赛者外形、才艺、性格、搞笑嘢 22:48审美都係各花入各眼嘅 23:14纵观近年，本届係比较高质同和谐嘅 24:15落选唔代表星途黯淡，反而可能係新转机 25:16TVB造星工厂令素人气质跃升 25:44三甲点解係佢哋？深度分析本届赛果 本期Playlist： UN BANC, UN ARBRE, UNE RUE-Paul Mauriat 附图，这个世界上不能没有女孩子！ 国内各大音频平台（小宇宙 喜马拉雅APP 荔枝Podcast QQ音乐）可收听完整版；小红书搜索“讲俾你听（粤语播客）”可收看国粤双语精华字幕版；投稿邮箱：[email protected]；WeChat合作：GBNTpodcast 喜欢的欢迎Like Subscribe噢

Hello,欢迎收听《讲俾你听》粤语播客 今集内容够晒丰富“开学+返工+退休+饮食+瞓觉”五合一杂谈！唔讲大道理，净係吹水！ 九月一号，Yeeka同你由学生仔开学日吹到社畜退休，由红绿灯塞车塞到西安某影城，由五毫子辣条讲到39.9蚊月费午睡卡，由畀老师罚留堂讲到老细叫你“早啲退休”……冇错，内容就係咁杂，但杂得嚟样样都讲中你心声。成年人嘅世界，一样可以拥有属于自己嘅“新学期”㗎！ 条条大路通罗马，人人都要做牛马。返工做到死死下，放工仲要逼小巴，真係……谂起都觉得可怕！返工係为咗生活，但唔好畀返工，影响咗你嘅生活哇！公司又冇你股份，顾掂份粮最稳阵，你唔係公司股东，老细唔会请你食冬荫功！唔好理咁多喇！一齐跳入《爱丽丝疯游梦境》，释放内心收收埋埋嘅疯癫同天真喇！ 第101期节目，一个人吹水多多少少有啲闷，所以垫咗小小声，唔知听感如何？ 评论区欢迎留言吹水，讲饮讲食讲返工，是但发噏疯，但求松一松ヾ(๑╹◡╹)ﾉ" 本期Timeline： 00:00:00 九月一号，你係神兽回笼定牛马开工？ 00:01:13 早高峰例牌塞车？阴天有雨记得带翻把遮小心揸车！ 00:02:51 开学回忆翻晒嚟：读书时期嘅惊青乌龙嘢同小期待/姿整兼差生文具多/数学堂嘅催眠功效分分钟掂过ASMR 00:06:58 大个之后，我哋仲有无“新学期”㗎？人生冇Reset但有Restart/年初啲flag覆没未？ 00:09:41 80 90 00后退休年龄大公开，个心都离一离！ 00:12:46 当发现自己对零食唔感兴趣，係咪就代表成为咗无趣嘅大人了？ 00:14:29 读书食饭堂懒谂嗌“照旧”/返工食饭盒同机械人叉电冇乜分别 00:16:18 做人最紧要识叹，日日空肚食早餐！宵夜食得够滋味，烦恼统统去躲避！ 00:18:54 西安某影城39.9月费任瞓晏觉！打鼻鼾会俾人升级VIP区，係咪好贴心？ 00:21:56 网民揾工问句“有冇午休”都俾HR问候？ 00:24:31 成集讲饮讲食讲返工，你今日松咗未？ 00:25:25 停半分钟听一阙广东歌：一齐跳入兔洞，发个癫先散水！ 本期Playlist： 蓝天-黄子华 开学礼-李克勤 同学-杨千嬅 人生不是一份工-符家浚 返工咁辛苦为咩-农夫 FreeRider-丽英 爱丽丝疯游梦境-孙咏岚 国内各大音频平台（小宇宙 喜马拉雅APP 荔枝Podcast QQ音乐）可收听完整版；小红书搜索“讲俾你听（粤语播客）”可收看国粤双语精华字幕版；投稿邮箱：[email protected]；WeChat合作：GBNTpodcast 喜欢的欢迎Like Subscribe噢

Hello,欢迎收听《讲俾你听》粤语播客 恭喜发梦！历经28个月，【讲俾你听】终于迎来属于佢嘅第100期！兼且终于有版头喇！精神啊！！ 你话，一个人究竟要有几咁无聊，先可以自言自语足100期咁耐？不过……我把声有幸曾经陪你，都可以算係“无聊到极致的浪漫”……係咪？陪伴係双向嘅，特别感谢各位精神股东们一直支持，无论你係忠实老best，定係啱啱先刷到嘅新frd，都感谢有你出现。作为里程碑嘅第100期，Yeeka会回顾过去展望未来，想成为电台DJ嘅梦想初心不改，想陪伴你嘅初衷同样不变。 同时亦借助这个平台，为粤语传播出一份微小的力量。重启限定的国粤双语板块，教大家零基础学广东话！从九声六调的概念、处境式学习法、到实用的广东话日常用语干货，逐句教逐句解，用三个语气助词玩一场“语言届的魔术”带你发掘粤语的魅力！听不懂不要紧，下滑shownote有国粤双语和粤拼对照，边听边练边认，Perfect！感谢你喜欢粤语！ 快啲揿个播放，再去留言互动，你係边期开始听㗎？你对呢档Podcast嘅印象係……？ 本期Timeline： 00:00:21 第100期喇！继续为爱发电！谢谢精神股东们！ 00:02:30 仪式感拉满！Yeeka染咗个灰紫挂耳！ 00:03:29 Yeeka最中意最难忘係边期？ 00:04:44 劲挚诚咁展望将来，总之就係继续陪你 00:06:30 快啲留言！我想知你眼中嘅讲俾你听係点㗎 00:07:06 处境式学习粤语/说粤语有口音怎么办？ 00:10:50 其实……“粤语是一碗番茄酱牛腩面” 00:12:08 开口即用的50句零基础粤语干货！（打招呼、礼貌用语、自我介绍、基本问答、问路、日常生活短句） 00:18:53 语气助词似Magic，进阶彩蛋带你玩转粤语！ 00:20:26 感谢你一直撑粤语！ 评论区吹水：你係喺边期开始听呢档Podcast㗎？/咁多期入面，你最钟意边一期？/你最有印象係边一期？/你对呢档Podcast嘅印象係乜嘢？ 本期shownotes： 你好 nei5 hou2 （你好） 早晨 zou2 san4 （早上好） 午安 ng5 on1 （下午好） 晚安 maan5 on1 （晚安） 再见 zoi3 gin3 （再见） 唔该 m4 goi1 （谢谢，劳驾） 多谢 do1 ze6 （谢谢） 好多谢你嘅帮忙！ hou2 do1 ze6 nei5 ge3 bong1 mong4 （非常感谢你的帮助！） 辛苦晒你啦！ san1 fu2 saai3 nei5 laa1 （辛苦你了！） 唔好意思 m4 hou2 ji3 si1 （不好意思，打扰了） 对唔住 deoi3 m4 zyu6 （对不起） 唔紧要 m4 gan2 jiu3 （没关系） 唔使客气！ m4 sai2 haak3 hei3 （不用客气！） 我系…… ngo5 hai6 …… （我是……） 你叫咩名？ nei5 giu3 me1 meng4 （你叫什么名字？） 我系广东人 ngo5 hai6 gwong2 dung1 jan4 （我是广东人） 你嚟自边度？ nei5 lai4 zi6 bin1 dou6 （你从哪里来？） 我嚟自广州 ngo5 lai4 zi6 gwong2 zau1 （我来自广州） 你做咩㗎？ nei5 zou6 me1 gaa3 （你是做什么的？） 我系学生 ngo5 hai6 hok6 saang1 （我是学生） 我系做设计嘅 ngo5 hai6 zou6 cit3 gai3 ge3 （我是做设计的） 你好吗？ nei5 hou2 maa1 （你好吗？） 我几好，你呢？ ngo5 gei1 hou2，nei5 ne1 （我挺好的，你呢？） 系 hai6 （是） 唔系 m4 hai6 （不是） 好 hou2 （好） 唔好 m4 hou2 （不好） 得 dak1 （可以，行） 唔得 m4 dak1 （不行，不可以） 有 jau5 （有） 冇 mou5 （没有） 我知 ngo5 zi1 （我知道） 我唔知 ngo5 m4 zi1 （我不知道） 呢度系边度？ ni1 dou6 hai6 bin1 dou6 （这里是哪里？） 你而家喺边度？ nei5 ji4 gaa1 hai2 bin1 dou6 （你现在在哪里？） 洗手间喺边度？ sai2 sau2 gaan1 hai2 bin1 dou6 （洗手间在哪里？） 地铁站点行？ dei6 tit3 zaam6 dim2 haang4 （地铁站怎么走？） 唔该，我想去呢度。 m4 goi1，ngo5 soeng2 heoi3 ni1 dou6 （麻烦，我想去这里。） 今日天气几好。 gam1 jat6 tin1 hei3 gei1 hou2 （今天天气挺好的。） 今日食咩好啊？ gam1 jat6 sik6 me1 hou2 ne1 （今天吃什么好呢？） 我好肚饿啊。 ngo5 hou2 tou5 ngo6 aa3 （我好饿。） 你食咗饭未？ nei5 sik6 zo2 faan6 mei6 （你吃饭了吗？） 未啊，你呢？ mei6 aa3，nei5 ne1 （还没，你呢？） 已经食咗啦。 ji5 ging1 sik6 zo2 laa1 （已经吃过了。） 早啲瞓，唔好捱夜。 zou2 di1 fan3，m4 hou2 ngaai4 je6 （早点睡，不要熬夜。） 你几时得闲？ nei5 gei4 si4 dak1 haan4 （你什么时候有空？） 好耐冇见！ hou2 noi6 mou5 gin3 （好久不见！） 下次再倾，拜拜！ haa6 ci3 zoi3 king1，baai1 baai1 （下次再聊，再见！） 你好叻 nei5 hou2 lak6 （你好厉害） 我好钟意 ngo5 hou2 zung1 ji3 （我很喜欢） 是但啦，冇所谓 si6 daan6 laa1，mou5 so2 wai6 （随便啦，无所谓） 本期Playlist： 初心-古巨基 国内各大音频平台（小宇宙 喜马拉雅APP 荔枝Podcast QQ音乐）可收听完整版；小红书搜索“讲俾你听（粤语播客）”可收看国粤双语精华字幕版；投稿邮箱：[email protected]；WeChat合作：GBNTpodcast 喜欢的欢迎Like Subscribe噢

Hello,欢迎收听《讲俾你听》粤语播客 时隔差唔多一年，娱乐板块终于重开！今期要讲嘅係陪咗大家差唔多十年嘅“电子榨菜”——《爱回家之开心速递》！由2017年首播到而家，呢套剧由原定180集变成2868集，作为TVB王牌剧集创咗香港电视史最长寿处境剧纪录。由细个赶功课deadline都係为咗八点零五分睇电视，到宿舍一个人睇剧食宵夜，呢套剧陪住唔少人由青葱岁月走到初入职场。 今集会直击全城热论，大结局到底係完美收官定係揸流滩？对于尾章呢份答卷，网民点解咁嬲？仲会逐个分析角色，根叔嘅嘴硬心软、大小姐嘅霸道柔情、若水嘅港女日常……当然唔少得Yeeka最钟意嘅金城安！佢嘅快乐松弛躺平哲学，真係举脚赞成。仲有经典金句回顾，“威哥～”“人头猪”“奶沙龙陈”“大学咁教你㗎”……係唔係斋睇文字都觉得有声咧？最后拆解佢嘅成功密码，分析点解一套处境剧可以玩足九年？ 无论你係忠实拥趸定係未睇过，都欢迎揿入嚟听听，回味呢套充满烟火气嘅港剧！ 本期Timeline： 00:00:00时隔近一年，重启娱乐板块！ 00:00:50《爱回家》陪Yeeka度过青葱岁月到初入职场 00:04:19剧透预警！大结局完美收官定係揸流滩？/网民嬲爆三大原因 00:07:27《爱回家》人设性格塑造有血有肉的角色魅力 00:10:13好！羡！慕！金城安！！你话佢废青？其实佢係全剧最幸福嗰个 00:13:46经典金句同场面幕幕入脑，一定勾起你好多回忆 00:15:40拆解成功密码！点解一套处境剧可以玩足九年？ 评论区吹水：你最钟意边个角色？最难忘嘅剧情系边一段？ 本期Playlist： Latin Soul Strut（纯音乐） 在心中-黄心颖 开心速递（华语群星） 爱心灌溉‑JW王灏儿 这个家-姚焯菲Chantel 有你万事屋-雷同二友 国内各大音频平台（小宇宙 喜马拉雅APP 荔枝Podcast QQ音乐）可收听完整版；小红书搜索“讲俾你听（粤语播客）”可收看国粤双语精华字幕版；投稿邮箱：[email protected]；WeChat合作：GBNTpodcast 喜欢的欢迎Like Subscribe噢

Hello,欢迎收听《讲俾你听》粤语播客 2026年7月30日凌晨零时，肇庆电台旅游之声FM94.9正式完成历史使命。 陪伴肇庆人成长嘅频率，从此只剩滋滋电流声。Yeeka,一个由细听到大、因为迷恋电台而开咗呢档播客嘅00后女仔，竟然喺个台熄灯前倒数第二日，好有幸坐上949嘅主播位！今铺完全係“追梦追到熄机前”，成件事大癫！！ 由细个搭车听电台纯粹为解闷，对DJ把声嘅幻想，到大个发现呢个台冇广告兼且广东歌含量极高嘅单纯陪伴；由得知停播消息时嘅错愕与不舍，到亲自戴上监听耳机、摸到粒推子、对住支唛出声嗰刻嘅梦幻同紧张！949係Yeeka嘅梦想栖息地，关于电台、大气电波所有幻想，喺嗰度落地、被接纳、被成全。 如果要形容，929同949根本係两种完全唔同嘅人。949就好似一位气质舒服嘅三十岁暖男，愿意坦诚交心，充满热情烟火气，乐意接住每一位听众嘅情绪，愿意主动同后生仔做朋友。至于FM929，更似一位闷骚内敛嘅中佬，性格沉稳克制，唔钟意大肆抒发情感，一切都有条不紊。 时代更迭，频率落幕。今期，我会记录同呢位“老朋友”最后嘅相处时光；以后，如果要打俾呢位“老朋友”，电话嗰边只会讲“您拨打的电话为空号”……我承认，我仲未学识潇洒同佢讲再见。 但正如我所讲：声音嘅温度、陪伴嘅记忆、同埋曾经嗰份“我记得炽热曾盛放”，永远唔会消散㗎！ 无论你係唔係肇庆人，无论你有冇听过949，只要你曾经对某个声音、某个频率、某段时光有过不舍，呢集应该会触动到你。 本期Timeline： 00:00:00 到底发生过什么事？世界末日咁快到嚟？？ 00:04:11 DJ把声陪伴城市人无数个日与夜 00:04:44 广告VS品质：生存落嚟可能更加紧要 00:06:08 传统媒体面对时代迭更，热爱与执念无能为力 00:08:38 追梦追到熄机前，个台就嚟摺埋，终于坐上主播位 00:13:02 2026.07.28 FM94.9《喂啊翻埋嚟》（“玫瑰味嘅面包”/00后点解会中意听电台/Yeeka对949嘅情怀/做播客同做电台有咩分别/如果送一首歌俾949……） 01:02:44 “呢个号码已经停止服务……你所拨打的号码为空号……” 评论区留言：你最中意嘅电台？你同电台嘅故事？ 本期Playlist： 记得-林家谦 每当变幻时-林家谦 饮酒思源 (红馆现场录音版Live)-陈辉阳×女声合唱 女校男生-Twins 有人共鸣-林奕匡 最后的歌 (红馆现场录音版Live)-陈辉阳×女声合唱 Special thanks：DJ Yan,DJ常欢 Yeeka再度“追声成功”！等候开唛前有幸与电台前辈倾偈，嗰种感觉就似，佢哋喺收音机入面跳出嚟，介乎于真实与不真实之间哈哈哈 从收音机，到返学做功课攞iPhone5s偷偷听，然后车载电台……嗰排推子嗰支麦克风，係伴我成长，最尾竟然有机会坐上主播位！打呢期shownotes都要感动到喊了。感谢949，再见，FM94.9！ 大概八年前FM94.9的栏目表 转自肇庆本地社媒：率性网。六年前，普通人的愿望就是买收音机随时随地获取最新资讯，时至今日，随时获取最新动态已是触手可及的事情 国内各大音频平台（小宇宙 喜马拉雅APP 荔枝Podcast QQ音乐）可收听完整版；小红书搜索“讲俾你听（粤语播客）”可收看国粤双语精华字幕版；投稿邮箱：[email protected]；WeChat合作：GBNTpodcast 喜欢的欢迎Like Subscribe噢

Hello,欢迎收听《讲俾你听》粤语播客 暑假到喇！世界杯啱啱打完，今期都係吹吹水啦。讲下当年暑假你係唔係匿喺冷气房，一部MP3一条耳机线就当全世界？黄冈小状元撕到烂晒但交功课竟然过到骨？你以为女仔睇世界杯净係睇肌肉佬？咁你就太睇小我哋！Yeeka今铺胆粗粗学人讲波！阿根廷绝境反胜、C朗最后一舞、佛得角黑马奇迹……唔保证专业，但保证真诚。仲有国粤双语限定回归，足球术语同球队球星粤语速成班，学识秒变专家即刻出去威，啲Friend实问你做咩忽然咁Pro㗎！唔好理，总之好犀利！ 二编：“睺”字同“𥄫”字系统显示唔到嘅🤣 本期Timeline： 00:00:13 放暑假喇！想当年阿姐我……MP3/电视汁捞饭/煲电话粥/黄冈小状元/搣页交功课 00:04:58 暑假消费暗涌：大数据杀熟/节假日加价 00:06:30 Yeeka打字Bug：拼音输入法前后鼻音分唔清 00:07:29 女仔睇世界杯，究竟睇紧啲咩呢？ 00:08:28 美加墨世界杯经典场面复盘：阿根廷7分钟绝境翻盘/西班牙零封法国/挪威爆冷送走巴西/C朗尼马谢幕/埃及VAR争议 00:12:26 强队失意，黑马突围！德国炒十二码跌眼镜/佛得角拼尽全力虽败犹荣 00:14:20 足球门外汉视角读懂球场体育精神 00:15:13 世界杯嘅“四年之约”，就似一张“时光书签” 00:17:15 广东人梗係睇粤语解说，特别有feel㗎！ 00:18:56 拆解粤语足球术语！十二码、毒蛇躝草、炒芥兰、牛油手、食波饼、挞Q…… 00:21:50 国粤双语小课堂上线！球队球星粤语译名逐个认 00:23:01 绿茵场上的华尔茲VS吭呤哐啷暴力美学 评论区吹水：有啲咩难忘嘅暑假回忆/最难忘嘅世界杯Moment 本期Playlist： 全身暑假-容祖儿 重新介绍-Stanley邱士缙 学生哥-许冠杰 海啸-Soler 伸手触碰那些梦-吴林峰 二人世界杯-Twins 国内各大音频平台（小宇宙 喜马拉雅APP 荔枝Podcast QQ音乐）可收听完整版；小红书搜索“讲俾你听（粤语播客）”可收看精华字幕版；投稿邮箱：[email protected]；WeChat合作：GBNTpodcast 喜欢的欢迎Like Subscribe噢

Hello,欢迎收听《讲俾你听》粤语播客 今期係一期美食节目，继之前讲过港式茶餐厅、广式茶楼之后，今期同你拆解粤菜嘅精髓，仲有一个更加有烟火气嘅话题——广东农家菜。 倾倾粤菜到底係乜嘢？点解广东人话“鸡有鸡味，鱼有鱼味”係最高评价？仲有嗰个听落好抽象，但一食就明嘅“镬气”，同埋点解广东师奶万物皆可煲汤，连路边木棉花都唔放过？点解一个广东人愿意揸两个钟车、刮几次底盘，都要去山旮旯食一餐饭？嗰啲连地图都揾唔到嘅宝藏农庄，到底藏着咩魔力？仲会讲顺德一鱼三味、开渔节后的海鲜狂欢；仲有Yeeka细个去过嘅农庄回忆！ 有食唔食罪大恶极，识饮识食人生积极！日饮夜饮前程似锦，饮光食光身体健康！见攰就唞，好好吃饭！ヾ(๑╹◡╹)ﾉ" 本期Timeline： 00:00:00 有小小肚饿！今铺踩过界做美食Channel 00:01:30 拆解粤菜核心：“鸡有鸡味，鱼有鱼味”！食材自信与极致新鲜 00:05:40 镬气：猛火铁锅的暴力美学，电磁炉无可复制的厨房浪漫 00:06:54 广东师奶的万能解药——老火汤！“宁可食无菜，不可食无汤” 00:08:58 Yeeka独家“FoodList”，解决永恒难题“今日食咩” 00:10:18 点解广东人热衷于钻窿钻罅揾山旮旯农庄食饭？ 00:12:49 独属广东的市井人情味，一句“照旧”胜过千言万语 00:13:24 Yeeka的农庄回忆：小溪田间嬉戏/原生态马场/蜑家艇仔农家饭独特体验 00:15:32 七月开渔节：海底放完产假，平价生猛海鲜大量上新 00:16:19顺德“鱼米之乡”：一鱼三味过桥做法，将成条鱼由头到尾发挥极致 00:19:52 跳咗去文旅宣传频道？纯粹为食推荐，酬劳用海鲜找数就得哈哈哈哈 00:20:36 氛围感经济学：咖啡店打卡vs农家菜环境加成，吃的都是感觉 00:22:40 有无睇世界杯？真係乜都讲一餐 00:23:56 听完肚饿就打开你嘅“FoodList”，约埋班frd，食佢！ 评论区吹水：有边一味粤菜係令你会无限encore嘅咧？ 附上美食图片（以下内容可能会引起肚饿哈哈哈哈）ps：“老嘢饭”无任何贬义，仅表示山旮旯好难揾嘅宝藏小食馆，食物质素惊人的美味，无精致摆盘，但份量大件夹抵食！毕竟，“食嘢大兜，生活无忧”ദ്ദി˶•̀֊•́)✧ 本期Playlist： 入型入格-KayTse 国内各大音频平台（小宇宙 喜马拉雅APP 荔枝Podcast QQ音乐）可收听完整版；小红书搜索“讲俾你听（粤语播客）”可收看国粤双语精华字幕版；投稿邮箱：[email protected]；WeChat合作：GBNTpodcast 喜欢的欢迎Like Subscribe噢

Hello,欢迎收听《讲俾你听》粤语播客 今期讲“青春”！适逢毕业季，你有冇谂过，人一生人最聪明嘅日子，其实係高考嗰几日？上知天文下知地理，出师表倒转都识背，数学公式写到成版纸冇晒位，唔止係咁，体力都犹如蛮牛，跑八百一千易过食生菜！同埋讲讲高中生嘅限定skin：鲶鱼须、半框眼镜、纯天然中分。仲有课间十分钟偷偷听歌、传纸仔、望窗发呆，放学冲去食鱼蛋车仔面，当时嫌闷嘅日常，而家先知係最奢侈嘅回忆。你话咧，青春到底係咩味道？係打完波嗰阵“男人除”，定係海洋调香水嘅清新？如果青春有颜色，你又觉得係咩色？再讲到校服上面嘅签名、毕业照里面嘅笑容……有几多人过咗暑假之后一世冇再见了？除咗感性回忆，仲会计返盘数：今年1290万高考生，每人四万蚊关联消费，考前考后撬动超过5000亿经济产值。坊间流传“高考五件套”，你当年中咗几样？带住呢段岁月俾你嘅勇气，奔赴属于你嘅辽阔世界！ 快啲揿开收听，一齐怀念嗰段好pure好true嘅日子喇！ 本期Timeline： 00:00:00 高中嗰阵最chur又最纯粹！知识浓度、记忆力、体力都系巅峰 00:02:44 “有借有还，再借唔难”：啲知识已全数归还俾老师 00:04:32 青春滤镜：隔住mon都feel到高中生嗰种朝气同希望！ 00:05:27 如果青春有味道/颜色……咁，会系点样㗎？ 00:08:10 课间十分钟，人类时间管理嘅奇迹！碎片时间承载咗好多回忆 00:10:37 校服签名/影毕业相，嗰年暑假后，好多人一世唔会再见 00:12:47 同学聚会：个脑仲係load紧佢哋细个嗰阵啲样 00:15:03 高考经济：1290万考生撬动5000亿消费 00:16:32“高考五件套”少咗一样，都对唔住嗰个滚烫的青春！ 评论区吹水：你读书时期最难忘嘅经历係乜嘢？ 本期Playlist： 永恒少年-曾乐彤 给十年后的我-薛凯琪 青春本我-冼靖峰/何晋乐 18相送-Shine Forever Friends-Cookies 我们的纪念册-Twins 有你有我-SupperMoment 国内各大音频平台（小宇宙 喜马拉雅APP 荔枝Podcast QQ音乐）可收听完整版；小红书搜索“讲俾你听（粤语播客）”可收看国粤双语精华字幕版；投稿邮箱：[email protected]；WeChat合作：GBNTpodcast 喜欢的欢迎Like Subscribe噢

Hello,欢迎收听《讲俾你听》粤语播客 今期讲一个好有趣嘅比喻，炒股有赚有蚀，人生有起有跌，如果人生係交易所，每个人一出生，就自动挂牌成为一只“新股”。有人天生蓝筹，有人开局细价，但係，呢个市最有意思嘅地方就係“一日未退市，一日都仲有机会”！今集唔讲投资，而係用炒股嘅角度思考人生：点样睇自己嘅K线图、维护你嘅基本面、同埋点样喺好似横盘嘅日子入面，相信自己其实係一只静鸡鸡蓄紧力嘅“潜力股”！顺便，都会讲讲点样用呢个心态，去睇职场、甚至追星……希望呢个有啲无厘头但又几贴地嘅比喻，可以俾努力但会迷茫嘅你，一啲轻松嘅启发同鼓励喇！你，绝对係值得长期持有嘅潜力股ദ്ദി˶•̀֊•́) 利申：本期内容纯吹水，不构成任何专业投资建议，投资有风险入市需谨慎。 本期Timeline： 00:00:00 由波板糖到高考场：谁亦会随年变老，方懂得童年多好 00:02:54 天气乱报：广东人嘅精致，败咗俾焗热桑拿天 00:05:45 如果每个人都是一支挂牌上市新股…… 00:06:23 “发行价”唔由你话事，“天地板”看尽人生起落 00:07:13 “K线图”：情绪起伏如分时行情，长线趋势始终向上 00:08:58 “人生基本面”：健康、关系、阅历、心态人品，就如主力资金、固定资产、无形资产、分时走势四大核心 00:10:17 “潜力股”：横有多长竖有多高，缩量横盘是储力，MACD黄金交叉等爆发 00:11:36 “688301”：由两百跌到六十再爬返上嚟，一日未退市一日仲有机！ 00:12:51 状态迷失就“申请停牌”，适时暂停係为咗重整节奏 00:13:11 “利好利空消息面”：将外界评价归为市场情绪，劝谕看重长期趋势 00:13:44 长期持有者攻略：复盘、相信与“派息”，守住自身基本面，你係越放越值钱潜力股 00:14:33职场即股市，入职即挂牌，如果打工仔係一只新股…… 00:15:04追星如炒股，fans係主力，粒星出歌係业绩公告，股东们止蚀离场定继续持有？ 评论区吹水：现阶段嘅你，係横盘蓄力，定係稳步拉升？ 本期Playlist： 青春颂-许廷铿/林家谦 宇宙洪荒-Swing 数字人生-林子祥 国内各大音频平台（小宇宙 喜马拉雅APP 荔枝Podcast QQ音乐）可收听完整版；小红书搜索“讲俾你听（粤语播客）”可收看国粤双语精华字幕版；投稿邮箱：[email protected]；WeChat合作：GBNTpodcast 喜欢的欢迎Like Subscribe噢

Hello,欢迎收听《讲俾你听》粤语播客 本期节目是限定国粤双语！兼顾外地朋友科普与广东听众情怀共鸣，从“一盅两件”到四大天王，从码头苦力歇脚的“二厘馆”到如今精致的岭南美食名片，用声音带你深入“叹”一场地道的广东早茶！你会听到：早茶为什么叫“叹”？啷碗、揭盖续水、叩指礼等老广专属仪式感有哪些讲究？拆解“粤式点心四大天王”虾饺、烧卖、叉烧包、蛋挞如何封神？深度盘点各类经典蒸点、煎炸小食与特色老火靓粥，还有几乎绝版的香蕉船、遮仔啫喱和奇趣蛋童年回忆杀！广式、顺德、潮汕早茶各地域风味有何不同？无论你是茶楼长大的本地人，还是想来打卡的外地朋友，点开收听，得闲饮茶！ 本期Timeline： 00:00:00 用声音带你走进广东早茶文化 00:02:53 历史溯源：从“一厘馆”到茶楼，“有钱楼上楼，无钱地下踎” 00:04:45 “得闲就去饮茶”！早市/午市/夜市，全时段享受 00:06:28 早茶的正确打开方式：落茶位/拣靓茶/茶位费 00:07:33 老广饮茶专属仪式感：啷碗、揭盖续水、叩指礼 00:08:45 点心届“四大天王”：虾饺、烧卖、叉烧包、蛋挞 00:11:38 童年回忆杀！细路仔嘅快乐：香蕉船、遮仔啫喱、奇趣蛋 00:14:18 广式早茶风味全盘点！蒸点、煎炸、粥品、甜点，附上一份必点不踩雷清单（凤爪、排骨、糯米鸡、萝卜糕、炸两、肠粉、艇仔粥、及第粥、马拉糕、猪仔包……） 00:21:54 老广专属点餐暗语（摞单、写低、加位、埋单） 00:22:47 广东早茶地域差异/一个避雷提醒 00:24:22感情联结情怀升华：早茶是刻在广东人DNA里的温情与松弛 评论区吹水：广东嘅朋友仔，你最爱嘅早茶点心係边款？/外地的朋友们听完这期节目，最想打卡哪一款早茶点心？ 本期Playlist： 饮早茶L埋你大姨妈-灵山村帮 国内各大音频平台（小宇宙 喜马拉雅APP 荔枝Podcast QQ音乐）可收听完整版；小红书搜索“讲俾你听（粤语播客）”可收看国粤双语精华字幕版；投稿邮箱：[email protected]；WeChat合作：GBNTpodcast 喜欢的欢迎Like Subscribe噢

Hello,欢迎收听《讲俾你听》粤语播客 今铺五一假期，你係去咗游山玩水定係同周公深度交流？我就俾朋友拉去试食鱼生，结果……只能讲，生嘅嘢都係交俾兽医稳阵啲哈哈哈，快乐永远短暂，假期后遗症仲惨过失恋，何况今个星期六要补班㗎。 今集係有啲闷嘅自我对话，上集我分享咗点样用两年“硬颈”圆梦大气电波，最近消化咗啲事实心态变咗，觉得好应该用一期整理同记录感想。 有一种梦想，无论几努力几痴线，个世道唔允许，始终做唔到。电台式微、听众流失、前辈劝退，甚至话“你做几万期podcast都入唔到行”。时代要淘汰一样嘢，唔会理你几有天份，就似梦想被判死刑，係咩感觉？梦想成真，需要人为嘅努力、才华同天分、時代嘅成全、合适嘅机遇，如果呢啲因素都无，仲係早早收皮罢了。 由觉得“值得就应该得到”，到明白“值得同得到从来唔係对等”；我留咗三成俾不切实际嘅执念，七成转做播客，留住大气电波嘅温度。世界唔再纯粹，我选择保留一份天真，或许，梦想唔一定会以我预期嘅方式实现，但嗰份为热爱付出过嘅纯粹同热血，会以另一种形式延续落去。 “梦想”係一件On9又热血嘅事，恭喜发梦！ 本期Timeline： 00:00:00 五一假期siu一声就过，解锁鱼生初体验 00:02:45 传统电台渐成“夕阳行业”。梦想，也有生不逢时吗？ 00:07:51 “值得”≠“得到”，梦想不能当饭吃 00:10:03 “L”不出个所以然，但依然留30%给执念 00:11:05 在功利的世界，笨拙地保留一份纯粹 00:12:32 所有经历都是累积，热血过就无悔 00:14:16 粤港电台联手合作，联播新节目打造音乐榜 本期Playlist： 佚名-梁钊峰 空无之地-陈蕾 歧义种子-KiriT 假使世界假使世界原来不像你预期-方皓玟 我可以我可以被世界淘汰，但不可以被世界击败-KayTse 国内各大音频平台（小宇宙 喜马拉雅APP 荔枝Podcast QQ音乐）可收听完整版；小红书搜索“讲俾你听（粤语播客）”可收看国粤双语精华字幕版；投稿邮箱：[email protected]；WeChat合作：GBNTpodcast 喜欢的欢迎Like Subscribe噢

Hello,欢迎收听《讲俾你听》粤语播客 今期係两周年特别节目！两年前，一个追梦上脑嘅𡃁妹匿喺房对住支唛开始咗第一期播客，初心係坚信有一日，要坐喺电台直播室，喺大气电波讲声Hello。今日，我终于做到咗！ 第一次电台online上唛，坐喺嗰张櫈、摸到嗰支咪、监听耳机有自己把声，紧张到有甩漏节奏有啲唔啱仲deadair……但做到呢件事我已经当自己赢咗。今期就放大段直播录音俾大家feel下，其实主要係我想为第一次留个纪念哈哈哈，原来梦想成真嘅感觉，係想喊又想笑㗎！ 做Podcast两年喇，唔怕同你讲，多咗份迷茫，现实脑同追梦脑喺度只抽ing……现实係，喺梦想呢条路，可能行到尽都係南墙。追梦同拍拖一样，太沉船都好易淹死自己。“足够嘅热爱 ＋ 平凡嘅坚持 ＝ 伟大嘅梦想”呢条公式冇呃人，只係个世界行得太快，我跟唔上尾班车啫。 其实逐渐消化想通，或被迫接受事实？我可以有陈蕾的“想到就去做 不管对错”，热血过试过确认过，现实真的不允许，就转个念？不代表全盘放弃，转换一种形式，不执着，因为太chur好攰，做播客都可以留住大气电波的温度。 多谢呢两年冇放弃嘅自己，多谢一路支持【讲俾你听】嘅你，多谢常欢老师，多谢阿Yan，多谢FM94.9。强烈推荐大家收听FM94.9肇庆旅游之声工作日周一到五中午一点 ，电台黄金档王牌节目【喂啊翻埋嚟】！ 最后，就算呢个梦醒咗，我都係曾经发过梦嘅人，都係嗰句喇：恭喜发梦！ 后附圆梦视角，讲个秘密你知，上电台开唛嗰阵，我手表显示心跳无落过百二哈哈哈，紧张到痴线哈哈哈，好荣幸落唛后“追声成功”，4D感受平时只会喺收音机听到嘅声线 做咗件浪漫又疯癫嘅事：小蛋糕吹蜡烛庆祝两周岁生日！ 本期Playlist： 凡星-陈蕾 填词魂-谢雅儿 无尽-SupperMoment Special thanks：DJ常欢,DJ Yan 国内各大音频平台（小宇宙 喜马拉雅APP 荔枝Podcast QQ音乐）可收听完整版；小红书搜索“讲俾你听（粤语播客）”可收看国粤双语精华字幕版；投稿邮箱：[email protected]；WeChat合作：GBNTpodcast 喜欢的欢迎Like Subscribe噢