又到夜深时分，世界很热闹，这里很安静
我是疯粤的村长。
这是我们在电波中相遇的第11个晚上，我想同你讲一个有关“香港情怀”的故事。分享自FAN “一个普普通通嘅90后”

细个个阵时候，县城入边嘅电视机得返两三个频道，一个系中央台，一个系家乡嘅地方台。


放学返到屋企，因為家乡嘅台有卡通片播，就转到个个頻道，不过呢需要等到六点钟。之前我就睇住一段好「扑朔迷离」嘅MV——《蓝色街灯》（都唔知点解次次下午都放呢段MV，仲放足半個钟


当其时仲细，唔知条片讲紧D乜，但系我真系觉得入面嘅歌词都几有feel——「微蓝在眼裡凝聚，佔去夜幕呆望，车将远去爱已去⋯⋯」细佬哥嘅学习、模仿能力都系几犀利嘅，好快，我作为一个四川土著，唱得一首好叻嘅《蓝色街灯》，我模仿唔到黎明嘅低沉嘅声线，但我发音咬字都十分之标准。


初中个阵时候我半路转校到重庆念书，同时自己强烈要求去学吉他，虽然而家只识弹小星星。我周围嘅friend都被我影响咗，有好几个晚自习唔do homework，两个人你一句「在那些，苍翠的路上」，我一句「历遍了多少创伤」，6月30号嘅晚上两三个人结伴去操场上大哭，大唱。有几个friend要我教吉他或者粵语，我呢嘅插班生有得自己嘅存在感，而家兄弟分散四处，希望安好。


初三嘅盛夏，虽然自己考衰咗，我高中读边间学校都令老窦头痛，家人依旧鼓励我去旅游——我去咗香港，同我幼时嘅老友一起，散心。


老友好无奈，可能佢唔知我到香港究竟想搞乜——唔疯狂shopping，唔去迪士尼，唔买黃金表，唉，唔搞呢啲嘢边算系香港旅游过一圈呢？


当时好热，我觉得自己头皮都被烤糊咗。我仍然喺街度行紧，由朝到晚，未有停歇，老友买咗1.5L嘅白水，一路饮，一路问我：「喂！大佬，你要去边啊？搭车好冇？热鬼死人啦！


我只好默不作声。佢唔知，系无数个无聊抑或是无助的夜晚，我一个人偷偷地煲紧剧集，亚视嘅《僵尸道长》，tvb嘅《阿旺新传》，仲有好多，我见识过乜叫做毛小方嘅正义，乜叫做刘醒嘅豪情，乜叫做⋯⋯


我实现咗自己当初睇紧港产片、港产剧集而萌发出來嘅心愿：似係一个主角或者係一个行人丙经过每一条街，听住红绿灯嘅叮叮叮。路旁有卖魚蛋嘅阿伯，係《英雄本色》开头里发哥光襯嘅个一家吗？我喺将军澳周围游荡，是否遇的到我儿时的偶像？


我爬上将军澳华人永久坟场，途中差啲跌亲，有个健身嘅阿叔扶咗我一把。上面依然好晒，只是突然面对大海，响起熟悉的音乐就觉得清爽好多，或是「原谅我这一生不羈放纵愛自由」，或是「冷暖那可休，回头多少个秋？」


我喺二手唱片舖，埋咗十几張BEYOND嘅CD，《乐与怒》《大地》《GOOD TIME》，差啲冇钱回川，慢慢走入地铁口，包著自己的背包，小心翼翼，一搖一晃，搭到落马洲。


我踏出个条线，香港嘅电话卡冇晒讯号⋯⋯


好了，今晚的故事，就说到这里。又到了跟一天说再见的时候了。
好人好梦。